Bakı. 1 may. REPORT.AZ/ Azərbaycan Əmanətlərin Sığortalanması Fondu (ADIF) ləğvedicisi olduğu “United Credit Bank” ASC-nin kreditorlarına müraciət edib.
“Report”un məlumatına görə, müraciətdə deyilir ki, müflis elan edilmiş Banka qarşı tələblər 60 gün ərzində yazılı şəkildə qeydə alınacaq.
Kreditorlar öz tələblərinin hüquqi əsasını sübut edən sənədləri və aşağıdakı məlumatları təqdim etməlidirlər:
– kreditorun adı ünvanı;
– tələbin əsas məbləğinə daxil edilən faizlərin və digər haqların məbləğləri;
– tələbin təminatı olan girov (ipoteka) və yaxud zəmanət barədə məlumat.
