Şirvanda avtomobil piyadanı vurub.
Milli.Az APA-ya istinadən xəbər verir ki, naməlum avtomobil Şirvan şəhər sakini, 1984-cü il təvəllüdlü Əliyev Amid Xanzalı oğlunu vurub.
Ağır kəllə-beyin travması alan A.Əliyev Şirvan Şəhər Xəstəxanasının reanimasiya şöbəsinə yerləşdirilib.
Hazırda hüquq-mühafizə orqanları piyadanı vurub hadisə yerindən qaçan sürücünün saxlanılması istiqamətində əməliyyat-axtarış tədbirləri həyata keçirir.
Faktla bağlı cinayət işi açılıb, araşdırma aparılır.
Milli.Az
