Bakı. 2 may. REPORT.AZ/ Misirdə silahlıların hücumu nəticəsində 8 polis əməkdaşı öldürülüb.
"Report"un məlumatına görə, bu barədə "Sada El Balad" portalı xəbər verib.
Xəbərdə bildirilir ki, hadisə paytaxt Qahirədə, şəhərin şimal-şərqində, Mədinət-Nəsr rayonu ərazisində baş verib. Öldürülənlərdən 6-ı polis zabiti, 2-i isə müddətli əsgərlərdir.
Polisə hücum edənlərin hansı qruplaşmanın üzvləri olduğu hələlik məlum deyil.