Bakı. 2 may. REPORT.AZ/ Bakıda 1 nəfərin ölümü ilə nəticələnən yol-nəqliyyat hadisəsi baş verib.
"Report"un məlumatına görə, hadisə Atatürk prospektində qeydə alınıb.
Belə ki, təxminən 40-45 yaşlı naməlum kişi minik avtomobili tərəfindən vurulub. Nəticədə o, hadisə yerindəcə dünyasını dəyişib.
Piyadanı vurmuş avtomobilin sürücüsü hadisə yerindən qaçıb.
Hazırda meyitin şəxsiyyəti araşdırılır. Faktla bağlı Nərimanov Rayon Polis İdarəsində araşdırma aparılır.
