Çeçenistanın əfsanəvi səhra komandiri Şamil Basayevin
adı gələndə bütün Qafqaz ayağa qalxır. Axı o təkcə çeçenlər üçün
döyüşməmişdi. Vaxtilə Azərbaycan üçün da öz silahını çəkinmədən işə
salan Basayevi biz Dağlıq Qarabağda erməni quldurlarına qan udduran
döyüşçü kimi də xatırlayırıq. Çeçenistanın azadlığı uğrunda döyüşən
Basayevə sonradan “beynəlxalq ictimaiyyət” terrorçu damğası vurdu.
Lakin o, “Allah bilir mən kimək və nə istəyirəm” cavabını
verdi.
Şamil Basayev çeçenlər üçün qəhrəman, ruslar üçün terrorçu, bütün
qafqazılar üçünsə əfsanəvi döyüşçüdür. Doğrudur, ermənilərə görə
Basayev qatildir, lakin ermənilərin Qafqazla heç bir tarixi əlaqəsi
olmadığını nəzərə alsaq, o zaman, “qafqazlılar üçün əfsanəvi
qəhrəman” ifadəsi öz gücünü saxlayır.
Publika.az bu əfsanəvi döyüşçü haqda yayılmış
fərqli bir iddianı gündəmə gətirir.
Söhbət Şamil Basayevin Rusiya Hərbi Kəşfiyyatının (QRU) əməkdaşı,
yaxud casusu olmasından gedir. Nə qədər inandırıcı görünməsə də,
bir sıra rus mənbələri bu iddianı irəli sürürlər.
İddia: Basayev 1992-ci ildə öz döyüşçüləri ilə
abxaz-gürcü müharibəsində abxazlar tərəfindən döyüşürdü. Hətta o,
qəhrəmanlıqlarına görə Abxaziyanın Milli Qəhrəmanı adına da layiq
görülmüşdü. İddialara görə, QRU 1991-ci ildə Gürcüstana qarşı
zabitlər hazırlamağa başladı. Basayev də QRU ilə məhz həmin vaxt
əməkdaşlıq edib. Onun baş leytenant rütbəsinin olduğu deyilir.
Bu iddialarla Federal Təhlükəsizlik Xidmətinin ictimaiyyətlə
əlaqələr şöbəsinin müdiri olmuş A.Mixaylov, “V” xüsusi təyinatlı
qrupun keçmiş zabiti K.Nikitin, Çeçenistan Respublikasının xalq
məclsinin sədri Əbdülrəhmanov, həmçinin, Dövlət Təhlükəsizlik
Komitəsinin istefada olan zabiti İ.Drozdov çıxış ediblər.
Lakin Basayevin özü 1996-cı ildə “Müstəqil qəzet”ə müsahibəsində bu
iddiaları təkzib edib.
Onun silahdaşları isə Basayevlə QRU-nun əməkdaşlığını uydurulmuş
mif adlandırır və hesab edirlər ki, bu, çeçen qəhrəmanını etibardan
salmaq cəhdidir.
Asif
