Aparıcılığını Turan İbrahimovun etdiyi "ATV səhər" verilişinin yayımı dayandırılıb.
Milli.Az axşam.az-a istinadən xəbər verir ki, veriliş artıq bir neçə gündür ki, efirə getmir.
T.İbrahimov əməkdaşımızla söhbətində bildirib ki, bu, rəhbərliyin qərarıdır:
"Mövsümün bitməsinə, onsuz da, az vaxt qalıb. Buna görə də rəhbərlik qərar verdi ki, proqramı bir ay əvvəldən dayandıraq. Amma ATV-dəki fəaliyyətim davam edir. "ATV səhər"in kollektivi də işindədir. Başqa bir problem yoxdur".
Qeyd edək ki, T.İbrahimov verilişin həm də layihə rəhbəri idi. Aparıcı həm də telekanalda "ictimai-siyasi məsələlər və ictimaiyyətlə əlaqələr" departamentinin rəhbəridir.
Milli.Az
Digər maraqlı xəbərlər Milli.Az-ın Facebook səhifəsində
