Tanınmış futbol agenti Mino Rayola "Anderlext"lə oyunda zədələnən Zlatan İbrahimoviçin zədəsi barədə sualı cavablandırıb.
Milli.Az goal.az-a istinadən xəbər verir ki, italiyalı menecer ulduz futbolçunun karyerasını bitirmək niyyətində olmadığını qeyd edib.
"zlatan İbrahimoviç uğurla əməliyyat olundu. O, ABŞ-da reablitasiya keçəcək, həkim nəzarəti altında olacaq. İbranın karyerası zədə ucbatında bitməyəcək. Onun bərpa müddəti dövründə nə özü, nə də həkimlər bu barədə açıqlama verməyəcək. Dolğun məlumat sonra olacaq".
İbrahimoviç daha öncə "Mançester Yunayted"lə müqaviləsini yeniləməkdən imtina etmişdi. O, zədəli olduğu müddətdə klubdan məvacib almağı düzgün saymamışdı. Beləliklə, 2017-ci ili zədə səbəbindən buraxağı deyilən isveçli forvard iyunda azad agent olacaq.
Milli.Az
Digər maraqlı xəbərlər Milli.Az-ın Facebook səhifəsində
