Ermənistan parlamentində azı 90 deputat birbaşa Sarkisyana işləyəcək.
Milli.Az azvision.az-a istinadən xəbər verir ki, Ermənistanda formalaşdırılacaq yeni parlamentdə deputatların əksəriyyəti - təxminən 85-90 deputat Sarkisyanın şəxsən tabeçiliyində olacaq.
Yalnız Respublika partiyasından deyil, digər fraksiyalardan olan deputatlar lazımi anda Sarkisyanın təlimatlarına uyğun hərəkət edəcək.
Qəzetin yaydığı xəbərə əsasən, məhz bu səbəbdən seçkilərdən bir ay keçməsinə baxmayaraq, kimlərin yeni parlamentdə olacağı haqqında tam açıqlama verilməyib. Belə ki, bütün adlar bir-bir Sarkisyan tərəfindən yoxlanılır.
Sarkisyanın bu addımı təsadüfi deyil. Nəticədə, 2018-ci ilin aprelində prezident səlahiyyətləri əvəzinə Sarkisyan nəinki siyasətdən uzaqlaşmağı düşünür, o, baş nazir, Respublika partiyası rəhbərliyini də öz nəzarəti altına almaqla demək olar ki, bütün hakimiyyəti ələ keçirməyə çalışır.
Milli.Az
Digər maraqlı xəbərlər Milli.Az-ın Facebook səhifəsində
