"Twitter" sosial şəbəkəsi İranın ali lideri, ayətullah Əli Xamneinin səhifəsini bloklayıb.
Milli.Az lent.az-a istinadən xəbər verir ki, bu barədə İranın "Mehr" agentliyi məlumat yayıb.
Əli Xamneinin ərəb dilində paylaşımlar edilən səhifəsi bağlanıb. Onun ingilis, fransız və ispan dilərində də səhifələri var.
"Twitter" rəhbərliyi hələlik bu addımın səbəblərini izah etməyib. "Mehr" agentliyi isə bunu düşmənçilik adlandırıb.
Qeyd edək ki, daha öncə ayətullah Xamneinin səhifələri dəfələrlə haker hücumlarına məruz qalıb.
Milli.Az
Digər maraqlı xəbərlər Milli.Az-ın Facebook səhifəsində
