"Çempionlar Liqasının yarımfinalında olduğumuz üçün xoşbəxtəm. Əsas da mənim yaşımda olan birinə görə böyük şansdır. Bəlkə də, bir daha yarımfinalda oynamaq şansı qazana bilməyəcəm".
Milli.Az qol.az-a istinadən xəbər verir ki, bu sözləri "Monako"nun futbolçusu Radamel Falkao Çempionlar Liqasının yarımfinalında "Yuventus"la ilk oyun öncəsi deyib.
Kolumbiyalı hücumçu "Yuventus"un güclü müdafiəçilərə sahib olduğunu bildirib:
""Yuventus"a qol vurmaq çətindir. Çünki mükəmməl müdafiəçilərə sahibdirlər. Məsələn, "Barselona" onların qapısına yol tapa bilmədi, amma "Atalanta" iki qol vurdu. Futbolda hər şey mümkündür".
Qeyd edək ki, "Monako" - "Yuventus" matçı sabah saat Bakı vaxtı ilə saat 22:45-də başlayacaq.
Milli.Az
Digər maraqlı xəbərlər Milli.Az-ın Facebook səhifəsində
