Həzrət İmam Mehdi (ə) ilə Həzrət İsa Peyğəmbər (ə) ayrı-ayrı şəxsiyyətlərdir. İsa Məsih (ə) miladi I əsrdə yaşamış peyğəmbərdir. Mehdi (ə) isə şiələrin XII imamıdır, XI imamın oğludur, 12 əsrə yaxındır ki, qeybə çəkilib, yəni gözlərdən gizlidir.
Milli.Az islam.az-a istinadən bildirir ki, dünyanın sonuna yaxın Həzrət Mehdi (ə) zühur edəcək, dünyanı doldurmuş zülmün kökünü kəsəcək və ədalətli dövlət quracaq. Bu işdə Həzrət İsa (ə) ona yardım edəcək. Həzrət İsa (ə) müsəlman inancına görə, onu öldürmək istəyən yəhudilərin əlindən xilas olaraq, Allah tərəfindən səmaya qaldırılıb və hal-hazırda diridir. O, Həzrət Mehdinin (ə) imamlığı ilə namaz qılacaq və insanların haqq yola gətirilməsində o həzrətə yaxından kömək göstərəcək. Bəziləri bu iki şəxsiyyətin eyni olduğunu söyləsələr də, bu fikir doğru deyildir və səhih hədislərlə ziddiyyət təşkil edir.
Milli.Az
Digər maraqlı xəbərlər Milli.Az-ın Facebook səhifəsində