Gəncə-Şəmkir yolunda xəsarətlə nəticələnən yol qəzası baş verib. APA-nın qərb bürosunun xəbərinə görə, hadisə şəhərin qərb çıxışında qeydə alınıb. “KamAz” markalı yük maşınının “Prado” markalı minik avtomobili ilə toqquşması nəticəsində 1953-cü il təvəllüdlü Qasımov Əhəd Səməd oğlu müxtəlif bəd xəsarətləri alaraq xəstəxanaya yerləşdirilib. Vəziyyətinin normal olduğu bildirilir. Faktla bağlı hüquq-mühafizə orqanları tərəfindən araşdırma aparılır.