Gəncə. 3 may. REPORT.AZ/ Axşam saatlarında Gəncə şəhərində yerli sakin mübahisə zəminində bıçaqlanıb.
"Report"un Qərb bürosunun məlumatına görə, hadisəni törədən və zərərçəkən şəxsin kimliyi hələ ki, məlum deyil.
Yaralı yaxınlıqdakıların köməkliyi ilə Gəncə Şəhər Təcili Tibbi Yardım Xəstəxanasına aparılıb. O, dərhal həkimlər tərəfindən əməliyyat olunub. Vəziyyətinin orta-ağır olduğu bildirilir.
Faktla bağlı hüquq-mühafizə orqanları tərəfindən araşdırma aparılır.
