Bu gün Rusiya prezidenti Vladimir Putin Soçidə türkiyəli həmkarı Rəcəb Tayyib Ərdoğanla bir araya gələcək.
Metbuat.az bildirir ki, liderlər hərbi-texniki əməkdaşlıq məsələlərini detallı şəkildə müzakirə edəcəklər.
Vladimir Putinin mətbuat katibi Dmitri Peskov bildirib:
"Rəcəb Tayyib Ərdoğan Soçiyə səfər edəcək. Burada çox mühüm danışıqlar baş tutacaq.
Suriya münaqişəsi, ölkələrimiz arasındakı əlaqələr müzakirə ediləcək. Həmçinin digər beynəlxalq və regional məsələlər haqqında fikir mübadiləsi də nəzərdə tutulub".
