Kamran Əliyev: "O avtomobillər texniki baxışa gəlsə, istismarına icazə verilməyəcək"

Kamran Əliyev: "O avtomobillər texniki baxışa gəlsə, istismarına icazə verilməyəcək"
08:52 3 May 2017
37 Ölkə
Ölkə mətbuatı
A- A+

Azərbaycanda elə nasaz avtomobillər var ki, texniki baxışa gəlməkdən yayınırlar. Milli.Az bildirir ki, bunu Trend-ə Daxili İşlər Nazirliyi Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev deyib.

K.Əliyev bildirib ki, həmin avtomobillər istismara yararsızdır: "O avtomobillər daha çox ətraf kəndlərdə, ucqar yerlərdə yaşayanlara məxsusdur. Deyirlər ki, "yola çıxmıram, kəndin içində sürürəm, texniki baxışdan keçməsəm də olar". Belə avtomobillərdən kifayət qədər var. O avtomobillərin sahibləri bilirlər ki, texniki baxışa gəlsələr, həmin avtomobillərin texniki baxışdan keçməsi mümkün olmayacaq, ümummiyyətlə istismarına icazə verilməyəcək. Ona görə də o avtomobillərin sahibləri həmin nəqiyyat vasitələrini texniki baxışdan yayındırırlar".

K.Əliyev qeyd edib ki, elə avtomobillər istismardan çıxarılmalıdır: "Onların eləsi var ki, görkəmindən saz avtomobilə oxşayır, mexaniki hissələrində də ciddi problem yoxdur. Amma həmin avtomobillərin metal hissəi daxildən o qədər korruziyaya uğrayıb ki, heç bir zərbəyə davamlı deyil. Addi bir toqquşma ilə baş verən qəzada da görürsən ki, o avtomobildə qəzanın ağırlıq dərəcəsi daha yüksək olur. Yəni, təzə maşında heç xəsarətlə də nəticələnməyən bir qəzadırsa, elə avtomobillərdə eyni formada qəza insan ölümünə gətirib çıxarır. Elə avtomobillərin istismardan çıxarılması daha məqsədə uyğundur. Bu isə həmin nəqliyyat vasitələrinin sahiblərinə güzəştli yeni avtomobillərin satılması və digər formalarda həyata keçirilə bilər".

Milli.Az


Xəbərin orijinal ünvanı: http://news.milli.az/society/541108.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR