Bakı. 3 may. REPORT.AZ/ “Kapital Bank” ASC beynəlxalq əməkdaşlıq çərçivəsində 30 aprel-3 may tarixlərində keçirilən Amerika Banklar Assosiasiyasının (American Bankers Association) illik yığıncağında iştirak edib. Bu barədə “Report”a Bankın mətbuat xidmətindən məlumat verilib.
Qeyd edək ki, MDB ölkələri arasında “Kapital Bank” və Rusiyanın yalnız bir bankı bu assosiasiyanın üzvüdür.
Tədbirdə iştirak edən “Kapital Bank”ın Komplayens Departamentin direktoru Kamal Abdullayev qeyd edərək bildirib ki, builki Amerikan Banklar Assosiasiyasının yığıncağı əsasən beynəlxalq müxbir hesablaşma və komplayens məsələlərinə həsr edilib. Eyni zamanda, tədbir çərçivəsində bir sıra Amerika banklarının rəhbərləri ilə görüş keçirilib və mühüm məsələlər müzakirə olunub.
Qeyd edək ki, “Kapital Bank” bir sıra yerli və beynəlxalq təşkilatlarla müxtəlif sahələrdə əməkdaşlıq edir. Gələcəkdə belə təşkilatların sayı artırılacaq.
Xatırladaq ki, Azərbaycanda ən böyük filial şəbəkəsinə malik olan “Kapital Bank”, 91 filialı və 5 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət etmək olar.
