Cocuq Mərcanlıda 1362 qəlpə aşkarlanıb

Cocuq Mərcanlıda 1362 qəlpə aşkarlanıb
18:22 3 May 2017
33 Ölkə
Ölkə mətbuatı
A- A+

Bakı. 3 may. REPORT.AZ/ Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mütəxəssisləri mayın 3-də Cəbrayıl rayonunun Cocuq Mərcanlı kəndində gün ərzində 1362 qəlpə aşkar ediblər. Mina və partlamamış hərbi sursat aşkarlanmayıb. Ümumilikdə 20 min 331 kvadratmetr ərazi yoxlanılıb.
ANAMA-dan "Report"a verilən məlumata görə, 75 gün ərzində agentlik tərəfindən Cəbrayıl rayonunun Cocuq Mərcanlı kəndində 151 evə və yeni avtomobil yolunun keçəcəyi əraziyə baxış olub. Qırx partlamamış hərbi sursat aşkar olunaraq zərərsizləşdirilib. Ümumilikdə 2 milyon 592 min 182 kvadratmetr ərazi yoxlanılıb.
Agentlik tərəfindən bu il yanvarın 1-dən mayın 3-dək 5618 partlamamış hərbi sursat, tank əleyhinə 113 mina və piyada əleyhinə 12 mina aşkar olunaraq zərərsizləşdirilib. Cəmi 2 milyon 655 min 156 kvadratmetr ərazi yoxlanılıb.
Hazırda ərazinin mina və partlamamış hərbi sursatlardan təmizlənməsi əməliyyatı davam etdirilir.





Xəbərin orijinal ünvanı: https://report.az/herbi/cocuq-mercanlida-1362-qelpe-askarlanib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR