"FlyDubai" avişirkətinin Dubaydan Yekaterinburqa uçuş həyata keçirən sərnişin təyyarəsi Ufa hava limanında məcburi eniş edib.
Milli.Az Trend-ə istinadən xəbər verir ki, bu addım 9 may - Qələbə Günü münasibətilə parada hazırlıqla əlaqədar atılıb.
Təyyarə havada olarkən Yekaterinburq üzərində hərbi təyyarələrin hazırlıq uçuşları həyata keçirdiyi məlum olub. Bu səbəbdən təyyarənin pilotu Ufa aeroportuna eniş edib.
Ufa hava limanında gözlədikdən sonra təyyarə 2 saat 9 dəqiqəlik ləngimə ilə Yekaterinburqa enib.
Milli.Az