Vatikanın Cənubi Qafqaz üzrə elçisi Nunsi Marek Solçinski akkreditasiya müddətinin başa çatması ilə əlaqədar Qafqaz Müsəlmanları İdarəsinin sədri Seyxülislam Allahşükür Paşazadə ilə görüşüb.
QMİ-nin mətbuat xidmətindən Publika.az-a verilən məlumata görə, görüşdə tərəflər Qafqaz Müsəlmanları İdarəsi ilə Vatikan arasında mövcud dini-mənəvi əlaqələrin səviyyəsindən məmnunluqlarını dilə gətiriblər.
Solçinski QMİ sədrinə onu qəbul etdiyinə görə təşəkkür edib və regionda işlədiyi müddət ərzində Şeyxülislamla bilavasitə əməkdaşlıq etməkdən xoşbəxt olduğunu ifadə edib.
Roma Papası Fransiskə səmimi salamlarını və xoş arzularını yetirməyi xahiş edən A.Paşazadə Nunsi Solçinskiyə ikitərəfli əlaqələrin möhkəmlənməsinə verdiyi töhfələrə görə öz təşəkkürünü bildirib, yeni vəzifəsində uğurlar arzulayıb.
