Bakı. 4 may. REPORT.AZ/ Liviyanın Benqazi şəhəri raket atəşinə tutulub.
"Report"un məlumatına görə, bu barədə "Associated Press" xəbər verib.
Xəbərdə bildirilir ki, atəş nəticəsində 3 nəfər həlak olub. Agentliyin müxbirinin hadisə yerindən verdiyi məlumata görə, raket şəhərin cənub-şərq hissəsindəki üçmərtəbəli yaşayış binasına düşüb.
Partlayış nəticəsində həmçinin yaxınlıqdakı bir neçə avtomobil, mağaza da zədələnib.
Xatırladaq ki, 2011-ci ilin oktyabrında Müəmmar Qəddafinin öldürülməsindən sonra Liviyada ikihakimiyyətlilik yaranıb.
