Bakı. 4 may. REPORT.AZ/ İyunun 30-da, saat 11:00-da “Azərboru” ASC-nin səhmdarlarının növbəti ümumi yığıncağı keçiriləcək.
“Report” xəbər verir ki, bu barədə müəssisənin Müşahidə Şurasına istinadən rəsmi mətbuatda məlumat verilib.
Məlumatda deyilir ki, yığıncaq Cəmiyyətin yerləşdiyi Sumqayıt şəhəri, Sülh küçəsi, 1 ünvanında olacaq.
Yığıncağın gündəliyinə müəssisənin 2016-cı il üzrə maliyyə-təsərrüfat fəaliyyətinin nəticələrinin təsdiqi edilməsi, əsas vəsaitlərin və mal-materialların qismən silinməsi və digər məsələlər daxildir.
Xatırladaq ki, “Azərboru” ASC ötən əsrin 50-ci illərindən fəaliyyət göstərən Azərbaycan Boruyayma Zavodunun bazasında, 1998-ci ildə yaradılıb. Onun nizamnamə kapitalı 3517348 manatdır.