Azərbaycan və Qazaxıstan idxalda tələbatı bir-birinin istehsalı hesabına ödəməyə çalışacaq

Azərbaycan və Qazaxıstan idxalda tələbatı bir-birinin istehsalı hesabına ödəməyə çalışacaq
09:47 4 May 2017
Ölkə mətbuatı
A- A+

Bakı. 4 may. REPORT.AZ/ Azərbaycan və Qazaxıstanın irimiqyaslı idxal ehtiyaclarının qarşı tərəfin istehsal imkanları hesabına ödənilməsi imkanlarının öyrənilməsi ilə bağlı birgə işlərin görülməsinə dair razılıq əldə edilib.

Azərbaycanın Qazaxıstandakı səfirliyindən "Report"a verilən məlumata görə, iki ölkə arasında ticarət dövriyyəsinin artırılması ilə bağlı ölkə başçılarının son görüşü zamanı verilən tapşırıqların yerinə yetirilməsi məqsədilə səfir Rəşad Məmmədov bu ölkənin milli iqtisadiyyat naziri Timur Suleymenovla görüşüb. Görüşdə prezident Nursultan Nazarbayevin Azərbacyana səfəri zamanı iqtisadi-ticari əlaqələrin inkişafının əsas müzakirə mövzularından olduğunu və ticarət dövriyyəsinin lazımi səviyyəyə çatdırılması məqsədilə konkret tapşırıqların verildiyi barədə danışılıb. T.Süleymenov xalqlar arasında milli-mənəvi bağlar haqqında danışaraq Qazaxıstanın bütün sahələrdə Azərbaycanla əlaqələrin inkişafında maraqlı olduğunu qeyd edib və möhkəm əsasa söykənən bu əlaqələrin qorunub saxlanılması üçün iqtisadi əməkdaşlığın mühüm rol oynadığını vurğulayıb. Görüşdə Milli İqtisadiyyat Nazirliyi ilə əməkdaşlıq şəklində qeyd edilən tapşırıqların icrası ilə bağlı müvafiq işlərin görülməsinə dair razılıq əldə edilib. Bu xüsusda ikitərəfli ticarətin lazımi səviyyəyə çatdırılması ilə bağlı ölkə başçılarının göstərişinə əsasən hər iki ölkənin irimiqyaslı idxal ehtiyaclarının qarşı tərəfin istehsal potensialı hesabına ödənilməsi imkanlarının öyrənilməsinə dair birgə işlərin görülməsi razılaşdırılıb.
Görüş zamanı Azərbaycanla Qazaxıstan arasında ticarət dövriyyəsinin artırılması ilə bağlı müzakirələr aparılıb. Bu baxımdan hazırda geniş vüsət alan elektron ticarətin imkanlarından istifadənin təşviq edilməsinin əhəmiyyəti vurğulanıb və Azərbacyanda qısa zaman öncə istifadəyə verilən "Azexport" portalının uğurlu fəaliyyəti barədə söhbət açılıb. Həmçinin, "Azexport" ilə Qazaxıstanın müvafiq portalı arasında qarşılıqlı əlaqənin yaradılmasının nəzərdən keçirilməsi razılaşdırılıb. Müzakirələr zamanı ölkələr arasında iqtisadi-ticari əlaqələrin inkişafının digər yolu kimi hər iki ölkənin böyük şəhərləri arasında əməkdaşlığın təşviq edilməsinin faydalı nəticələr verəcəyindən əminlik ifadə edilib. Bu baxımdan Şimkənt və Gəncə şəhərləri arasında qarşılıqlı ticarət potensialının müəyyənləşməsi və müvafiq işgüzar dairələrin iştirakı ilə biznes-forumların və ya ticarət missiyalarının təşkilinin əhəmiyyəti vurğulanıb.

Xəbərin orijinal ünvanı: https://report.az/biznes/azerbaycan-ve-qazaxistan-idxalda-telebati-bir-birinin-istehsali-hesabina-odemeye-calisacaq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR