Azərbaycan millisinin üzvü Amit Quluzadə klubsuz qalıb. Fanat.Az xəbər verir ki, o, Yunanıstanın AEL klubundan ayrılıb.
Bu barədə Amit sosial mediada yazıb. Yunan dilində kiçik açıqlama yayan futbolçu müqaviləsinə xitam verdiyini qeyd edərək, ona dəstək olan hər kəsə təşəkkür edib.
Qeyd edək ki, Larissa klubu ilə bu ilin yanvarında 2,5 illik müqavilə imzalayan 24 yaşlı yarımmüdafiəçi cəmi 4 oyunda meydana çıxaraq 171 dəqiqə oynayıb və 1 sarı vərəqə alıb.
Fanat.Az
