"Apple" şirkəti ABŞ-da iş yerlərinin açılmasına 1 mlrd. dollar xərcləyəcək

"Apple" şirkəti ABŞ-da iş yerlərinin açılmasına 1 mlrd. dollar xərcləyəcək
19:57 4 May 2017
Ölkə mətbuatı
A- A+

Bakı. 4 may. REPORT.AZ/ "Apple" şirkəti ABŞ-da iş yerlərinin artırılması üçün 1 mlrd. dollar sərmayə qoyacaq.
"Report"un CNBC- yə istinadən verdiyi məlumata görə, bu məqsədlə korporasiya xüsusi fond yaradıb.
Şirkətin rəhbəri Tim Kuk bildirib ki, şirkət ilk sərmayəsini may ayında reallaşdıracaq: "Əksəriyyət məndən soruşur ki, iş yerlərinin yaradılması şirkətin öhdəliklərinə daxildirmi. Mən isə cavab verirəm ki, şirkətin dəyərləri olmalıdır. Çünki şirkət - insanların toplusudur."
"Associated Press" yazır ki, fondun yaradılmasına səbəb "Apple"ın məhsullarının böyük hissəsinin ABŞ-dan kənarda yığılmasına dair şirkətin ünvanına səslənən tənqidlər ola bilər.
Xatırladaq ki, bu il yanvarın ortasında yayılan xəbərlərə görə, Prezident Donald Tramp "Alibaba" iri internet ticarət -meydançasının rəhbəri Cek Ma ilə görüşüb. Görüş zamanı Çin şirkətinin Amerika bazarında genişlənməsi və ölkədə 1 mln. iş yerlərinin açılması müzakirə edilib. 

Xəbərin orijinal ünvanı: https://report.az/biznes/apple-sirketi-abs-da-is-yerlerinin-acilmasina-1-mlrd-dollar-xercleyecek-1

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR