Bakı. 4 may. REPORT.AZ/ Azərbaycan Premyer Liqasında mübarizə aparan "Sumqayıt" klubu gün ərzində ikinci futbolçu transferini həyata keçirib.
"Report"un klubun rəsmi saytına istinadən verdiyi məlumata görə, "Neftçi"dən ayrılan Cavid İmamverdiyevlə müqavilə imzalanıb. 26 yaşlı yarımmüdafiəçi 1 illik anlaşmaya imza atıb.
Daha əvvəl "Sumqayıt" "Kəpəz"in kapitanı Tural Axundovu heyətinə qatıb.
Qeyd edək ki, Cavid İmamverdiyev "Neftçi"dən başqa, "Karvan" və "Elazığspor"un da şərəfini qoruyub.