İspaniyanın paytaxtı Madrid yaxınlığında yerləşən zavodda baş vermiş bir neçə partlayış nəticəsində azı 30 nəfər xəsarət alıb. APA-nın “The Local” nəşrinə istinadən verdiyi xəbərə görə, xəsarət alanlardan üç nəfərin vəziyyəti ağırdır.
Məlumata görə, insident paytaxtın Arqanda del Rey rayonunda yerləşən kimyəvi tullantıların emalı zavodunda baş verib.
Hazırda partlayışın səbəbləri araşdırılır. Zavodun yaxınlığında yerləşən məktəb və digər obyektlərdən insanlar təxliyə edilib.