Hamiləlikdə də gözəl və sağlam qalın – XANIMLARA MƏSLƏHƏT

Hamiləlikdə də gözəl və sağlam qalın – XANIMLARA MƏSLƏHƏT
22:37 4 May 2017
87 Ölkə
Ölkə mətbuatı
A- A+

Bəzi qadınlar hamiləlik dövründə aldıqları artıq çəki səbəbindən özünəinamı itirir və özlərini çirkin hesab edirlər. Lakin bu dövrdə bir az diqqət və qulluq onları bu stressdən xilas edər. Hamiləlik dövründə keçirəcəyiniz xoşagəlməz anlar körpənizə də təsir etdiyi üçün bəzi məqamlara diqqət etməyinizdə fayda var. Həm sağlam bir hamiləlik dövrü keçirmək, həm də gözəl görünmək isə olduqca asandır.

Milli.Az lent.az-a istinadən hamiləlik dövründə gözəl və sağlam olmağın üsulları ilə sizi tanış edir.

Hamiləlikdə çəkiyə nəzarət
 
Hamiləlikdə alınan artıq çəki bədəndə çatlara və kürək ağrıları başda olmaqla, bir çox narahatlığa səbəb olur. Buna görə hamiləlik dövründə çəkiyə nəzarət etməli və düzgün çəki alınmasına diqqət olunmalıdır. İlk üç ayda az çəki alınır, 4-5-ci ayda maksimum 300 qram, 6-7-ci ayda 400 qram, 8-9-cu ayda isə ən çox 500 qram çəki alınmalıdır. Alınan çəki insanlardan asılı olaraq fərqlidir. Lazım olandan çox və ya az çəki alırsınızsa, həkiminizə müraciət edin.
 
Nizamlı məşq, düzgün qidalanma və kifayət qədər yuxu almanıza rəğmən, geyimlərinizin içinə sığa bilmirsinizsə, çəki azaltmağınıza mane olan sağlamlıq probleminizin olub-olmaması ilə maraqlanın və həkimə müraciət edin.
 
Hamiləlik dövründə tez-tez rast gəlinən sağlamlıq problemləri:
 
Hamiləlik çatları
 
Ana namizədlərinin ən böyük şikayətlərindən biri də bədənin müxtəlif yerlərində yaranan çatlardır. Qarın bölgəsi böyüyür, böyüdükcə gərilir və  məlum qarın çatlları meydana gəlir. Bütün yük ayaqlar üzərində olduğu üçün də istər-istəməz bədənin həmin hissəsində də çatlar meydana gəlir. Bu çatlarla mübarizədə istifadə edəcəyiniz kremlərlə yanaşı, bol su içmək, tərəvəz və meyvə yemək lazımdır.
 
Hamiləlikdə idman

 
Hamiləliyi asan keçirmək, tənəffüs sistemini gücləndirmək və qan dövranını sürətləndirmək üçün üzmə, ağır hərəkətli olmayan kiçik məşqlər, piyada yerimək və pilateslə məşğul olmaq faydalıdır. Əgər hamiləliyinizin gedişatında xüsusi bir vəziyyətiniz və ya narahatlığınız yoxdursa, 9 ay ərzində bunları asanlıqla tətbiq edə bilərsiniz.
 
Hamiləlikdə dəriyə qulluq
 
Dərinin sağlam görünməsi üçün bol kalsiuma ehtiyacı var. Xüsusilə hamiləlik dövründə zərif olan dərinizi qüvvətləndirməli və daha çox qulluq etməlisiniz. Hamiləlik dövründə bol miqdarda süd və süd məhsullarını yeməyiniz məsləhətdir. Bununla yanaşı, dərinizi yaxşı nəmləndirməyinizə əmin olun.
 
Hamiləlikdə cinsəllik
 
Hər hansı bir risk vəziyyəti ilə əlaqədar olaraq həkim cinsi münasibəti qadağan etmirsə, hamiləlik dövründə seks tamamilə normaldır. Bəzən ana-atalar cinsi əlaqənin körpəyə zərər verə biləcəyini düşünürlər, lakin tam əksinə, siz xoşbəxt və rahat olduqda körpəniz də bundan faydalanacaq. Bədəninizdə baş verən dəyişiklik səbəbindən cazibədar olmadığınızı düşünürsünüzsə, bu mövzunu tərəf müqabilinizlə danışmaqdan çəkinməyin. Həm seksual gecə geyimləri və alt paltarları elə bunun üçündür. Cinsi həyatınızı davam etdirməyiniz sizi hamiləlikdə həm gözəlləşdirər, həm də özünüzü daha gözəl hiss edərsiniz.
 

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/society/541733.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR