Bakı. 5 may. REPORT.AZ/ Mosulun qərbində yerləşən Əl-Vela məktəbinin binası raket atəşinə məruz qalıb.
"Report" xəbər verir ki, bu barədə yerli təhlükəsizlik qüvvələrindəki mənbəyə istinadən "Anadolu" agentliyi məlumat yayıb.
Bombardıman nəticəsində 18-i uşaq olmaqla, 81 nəfər dünyasını dəyişib. Ölənlər İraqın hökumət qüvvələri ilə İŞİD arasında gedən döyüşlərdən məktəb binasında gizlənənlər olublar. Raket zərbələrinin kim tərəfindən endirildiyi hələ ki, məlum deyil.
