Bakı. 5 may. REPORT.AZ/ İordaniya və Suriya sərhədində yerləşən qaçqın şəhərciyi yaxınlığında baş verən partlayış nəticəsində azı 4 nəfər həlak olub.
"Report" xəbər verir ki, bu barədə kütləvi informasiya vasitələri məlumat yayıb.
Partlayış zamanı 12 nəfərin yaralandığı ehtimal edilir.
Jurnalistlərin məlumatına görə, hadisə Ər-Rəqban düşərgəsi ərazisində qeydə alınıb. Bildirilir ki, insanların sıx olduğu bazarda avtomobilə qoyulan bomba partladılıb.
Hadisənin digər təfərrüatları məlum deyil.