Bakı. 5 may. REPORT.AZ/ Türkiyənin Kocaeli şəhərində Avropa Karate Federasiyasının (EKF) hesabat seçki Konqresi keçirilib. "Report"un məlumatına görə, seçki nəticəsində Antinio Espinos daha 6 il müddətinə EKF prezidenti seçilib.
İspaniyalı funksioner 42 mümkün səsin hamısını toplayıb. O, quruma 1997-ci ildən rəhbərlik edir.
Konqres çərçivəsində EKF İcraiyyə Komitəsinə seçki də keçirilib. Nəticədə Azərbaycan Milli Karate Federasiyasının prezidenti Yaşar Bəşirov da 11 nəfərdən ibarət İcraiyyə Komitəsinə üzv seçilib.