Bakı. Orxan Quluzadə - Trend:
Azərbaycanlı biznesmenlər Türkiyə bazarında investisiyalarını artırmaq istəyirlər.
Trend-in məlumatına görə, bunu Azərbaycanda İxracın və İnvestisiyaların Təşviqi Fondunun (AZPROMO) rəhbəri Rüfət Məmmədov bu gün Azərbaycan-Türkiyə biznes-forumunda deyib.
O bildirib ki, Azərbaycan Türkiyənin ən böyük xarici investorudur.
R.Məmmədov qeyd edib ki, Azərbaycan və Türkiyə arasında iqtisadi əlaqələrin artırılması üçün Azərbaycanda istehsal olunan məhsullara Türkiyədə idxal rüsumları qaldırılmalıdır.
Onun sözlərinə görə, türk iş adamlarının Azərbaycana investisiyalarının artırılması üçün hər şərait var.
