"Tour d’Azerbaidjan" veloturunun kateqoriyası artırıla bilər

"Tour d’Azerbaidjan" veloturunun kateqoriyası artırıla bilər
13:42 5 May 2017
57 İdman
Ölkə mətbuatı
A- A+

Bakı. 5 may. REPORT.AZ/ "Tour d’Azerbaidjan-2017” veloturunu xüsusi təqdim etməyə ehtiyac yoxdur. Bu yarış Beynəlxalq Velosipedçilər İttifaqının təqvim planında xüsusi yer tutur. Əminliklə söyləyə bilərəm ki, "Tour d’Azerbaidjan”nın təşkilatçılarına dünya turu kateqoriyalı yarışların təşkilini tam etibar etmək olar”. 
"Report"un məlumatına görə, bunu jurnalistlərə açıqlamasında Avropa Velosipedçilər Birliyinin (UEC) vitse-prezidenti, qurumun şosse velosipedi növü üzrə komitəsinin rəhbəri Aleksandr Qusyatnikov deyib.
O bildirib ki, Azərbaycan Velosiped İdmanı Federasiyasının (AzVİF) rəhbərliyi ilə bu idman növünün daha da inkişafına dair daim müzakirələr aparır: "Biz yalnız "Tour d’Azerbaidjan” yarışı zamanı deyil, həm də digər vaxtlarda müzakirələr aparırıq. Nəzərə alaq ki, AzVİF-in vitse-prezidenti Sahib Ələkbərov Avropa Velosipedçilər Birliyinin Rəhbər Komitəsinin üzvü seçilib. Biz hər tədbirdə, toplantıda görüşür və müzakirələr aparırıq. Velosiped idmanı inkişaf etməyən hansısa ölkənin nümayəndəsini belə bir quruma məsul vəzifəyə seçməzdilər. Azərbaycanda son illər velosiped idmanı sürətlə inkişaf edir. Ölkənizdə bu istiqamətdə böyük işlər görülür. Nüfuzlu "Tour d’Azerbaidjan” yarışının mükəmməl təşkili də bunun sübutudur. İsmayıllıda velosiped zavodu istifadəyə verilib. Azərbaycan velosipedləri kənardan almır, öz daxili istehsalından istifadə edir. Burada velosiped yollarının tikilməsi də bu idman növünün inkişafı üçün atılan önəmli addımlardandır”.
UEC-in vitse-prezidenti "Tour d’Azerbaidjan” yarışının kateqoriyasının artırılmasının gündəmdə olduğunu bildirib: "Tour d’Azerbaidjan” yarışı ilə bağlı gələcək planlar haqda sirrləri hələ ki, açmaq istəməzdim. Ancaq AzVİF-in vitse-prezidenti Sahib Ələkbərovla müzakirələrimizdə "Tour d’Azerbaidjan” yarışının kateqoriyasının artırılması məsələsinin gündəmdə olduğu vurğulanıb. Ola bilər dünyada müşahidə olunan iqtisadi böhranın səngiməsi üçün bir qədər gözləmək lazım gəlsin. "Tour d’Azerbaidjan” yarışına maraq hər il daha da artır və sözügedən veloturun kateqoriyasının artırılması gündəmdədir”.

Xəbərin orijinal ünvanı: https://report.az/ferdi/tour-d-azerbaidjan-veloturunun-kateqoriyasi-artirila-biler

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR