İyunun 2-si Beynəlxalq Muğam Mərkəzi və Azərbaycan Dövlət Mədəniyyət və İncəsənət Universitetinin birgə layihəsi çərçivəsində Beynəlxalq Muğam Mərkəzində şair, yazıçı, dramaturq Hüseyn Cavidin yaradıcılığına həsr olunmuş musiqili-ədəbi gecə keçiriləcək.
Milli.Az xəbər verir ki, konsertdə ADMİU - nun Muğam sənəti kafedrasının baş müəllimi, Əməkdar artist Nuriyyə Hüseynova və ADMİU - nun II kurs tələbəsi Məftun Səfərli iştirak edəcəklər.
Müşayiət edəcək ADMİU-nun xalq çalğı alətləri ansamblı: Emil Mirzəyev (tar), Ceyhun Mirzəyev (kamança), Samirə Əliyeva (kanon), Vüqar Əhədov (ud), Sübhan Əhmədov (balaban), Soltan Məmmədov (nağara).
Bədii qiraət: Əməkdar artist, dosent Azad Şükürov Tədbir saat 19:00-da başlanacaq. Biletlər şəhərin kassalarında və iticket.az saytında satılır.
Milli.Az
