Futbol üzrə Azərbaycan Kubokunda final matçı keçirilib.
Publika.az xəbər verir ki, Naxçıvanda baş tutan oyunda "Qarabağ" və "Qəbələ" klubları üz-üzə gəlib.
Görüş Ağdam təmsilçisinin komandasının 2:0 hesablı qələbəsi ilə yekunlaşıb. Hər iki qol ikinci hissədə vurulub. 51-ci dəqiqədə Mahir Mədətov künc zərbəsindən ötürülən topu qapıya göndərib. Oyunda son nöqtəni isə 68-ci dəqiqədə "Qəbələ"nin futbolçusu Ürfan Abbasov qoyub. O, topu öz komandasının qapısına göndərib.
Beləliklə, "Qarabağ" ardıcıl ikinci mövsümü "qızıl "dubl"la başa vurub. Komanda tarixində 6-cı dəfə Azərbaycan Kubokuna sahib olub.
Qeyd edək ki, oyunu 12 minədək tamaşaçı izləyib.
