"Star TV"də yayımlanan "Zuhal Topalla" izdivaç verilişində maraqlı məqam yaşanıb.
Milli.Az axşam.az-a istinadən bildirir ki, proqramda bəy namizədlərdən olan azərbaycanlı Əli Əkbərə bir vaxtlar münasibətdə olduğu 19 yaşlı Qamzedən gözlənilməz təklif gəlib. Qamze hələ də Əlini unuda bilmədiyini, ondan daha bir şans istədiyini söyləyib.
"Düşünürəm ki, nələrsə yarımçıq qalıb. Onları danışıb tamamlamaq istəyirəm. Mənə namizəd olan heç kimə güvənmədim. Məncə danışsaq, nələrsə yaxşı alına bilər" deyə, Qamze söyləyib.
Onun bu hərəkətinə təəccüblənən Əli nə cavab verəcəyini bilmədiyini deyib:
"Qamzedən bunları gözləmirdim. Onun başqası ilə münasibəti olduğunu düşünürdüm".
Milli.Az
