"Star TV”də yayımlanan "Zuhal Topalla” izdivaç proqramında məşhurlaşan azərbaycanlı gəlin Naz Mila bir həftədir ki, Bakıdadır.
Bu barədə sosial media hesabında yazan Naz Azərbaycandan qovulması və deportasiya edilməsi haqda paylaşım edib. O, Azərbaycana gələcəyi təqdirdə, onu ölümlə hədələyənlərə də mesaj göndərib:
"Bəs deyirdiniz, Azərbaycandan qovulmuşam. Bir həftədir ki, Bakıdayam. Şərhlərdə qoçuluq edirdiniz. Hardasınız? Sizdən xəbər yoxdur. Bakıda olduğum hər yerdən şəkil paylaşıram. Olduğum yerləri də qeyd edirəm. Niyə məni hələ asıb-kəsən yoxdur? Ağzınızın "zamok"unu bağlayırsınız, yoxsa mən bağlayım?"
Qeyd edək ki, Naz Mila evli olub və onun bir qızı var. Eyni zamanda, bir müddət əvvəl "Zuhal Topalla” evlilik verilişində Baha adlı türk vətəndaşı ilə nişanlanıb və sonradan nişanı qaytarıb.
Bundan sonra o, Əli adlı azərbaycanlı iştirakçı ilə bir müddət sevgi münasibətində olub. Daha sonra cütlük ayrılmaq qərarına gəlib. (Axsam.az)
