Azərbaycanın qadın güləşi üzrə milli komandası Serbiyanın Novi Sad şəhərində keçirilən Avropa çempionatında ümumi komanda hesabında ikinci yeri tutub.
Publika.az xəbər verir ki, yığma üzvləri bu nailiyyətə 3 medalla imza atıb.
Mariya Stadnik (48 kq) qızıl, Alyona Kolesnik (55 kq) və Tatyana Omelçenko (60 kq) bürünc medala yiyələnib.
Ümumilikdə 45 xal toplayan Azərbaycan yığması yalnız Rusiyadan 10 xal geri qalaraq, ikinci yeri tutub. Belarus isə 43 xalla üçüncü olub.
