Bakı. 6 may. REPORT.AZ/ "Azərbaycan Hava Yolları" QSC-nin (AZAL) bu gecə həyata keçirdiyi Tbilisi-Bakı aviareysi gecikmə ilə yerinə yetirilib.
"Report"un məlumatına görə, gecikmə təxminən 50 dəqiqə olub.
Belə ki, AZAL-a məxsus sərnişin təyyarəsi Gürcüstan paytaxtından saat 01:20-də havaya qalxmalı olsa da, bu, 02:10-da mümkün olub. Son nəticədə sərnişinlər Azərbaycan paytaxtına saat 02:30-da deyil, 03:20-də çatıblar.
Gecikməyə səbəb kimi dumanlı hava şəraiti göstərilib.
