Bakı. 6 may. REPORT.AZ/ Almaniya milli komandasının baş məşqçisi Yoahim Löv Çin yığmasında eyni vəzifəyə təklif alıb.
"Report"un AS nəşrinə istinadən məlumatına görə, 57 yaşlı mütəxəssisə 50 milyon avro məbləğində 2 illik müqavilə təklif olunub. Lövün Almaniya Futbol İttifaqı ilə hazırkı anlaşması 31 iyul 2020-ci ilədəkdir. Onun rəhbərliyi altında Bundestim 2014-cü il dünya çempionatının qalibi olub.
Qeyd edək ki, Almaniya millisi DÇ-2018-in seçmə mərhələsində Azərbaycan yığması ilə eyni qrupda yer alıb. İki komanda arasında martın 26-da Bakıda keçirilmiş ilk görüşdə qonaqlar qalib gəlib - 4:1.
