Bakı. Trend:
Bakı Şopinq Festival kimi layihələr ölkə turizminin inkişafı baxımından çox vacibdir.
Trend Şopinq Festivalın saytına istinadən xəbər verir ki, bunu Macarıstanın Mədəni və Elmi Diplomatiya üzrə dövlət naziri İştvan İygyarto deyib.
O, Bakı Şopinq Festivalını turizmin inkişafı baxımından çox vacib layihə adlandırıb: "Bu, eyni zamanda ölkə iqtisadiyyatının çox əhəmiyyətli və sürətlə inkişaf edən sektorudur. Ölkə mədəniyyətini təşviq etmək üçün ölkəyə turist axını cəlb etmək lazımdır. Turistlər səyahətlə yanaşı, teatr və muzeylərə, restoranlara gedir, həmçinin şopinq edirlər. Ən əsası isə öz istirahətləri üçün çoxlu pul xərcləyirlər, bundan isə sizin ölkəniz qazanır”.
