BMT-nin Uşaq Fondunun (UNICEF) rəsmi məlumatlarına görə, Somalidə aclıq çəkən uşaqların sayı təxminən 50% artıb. İlin sonuna uşaqların sayının 1,4 milyona çatacağı gözlənilir.
Publika.az xəbər verir ki, təşkilatın hesablamalarına əsasən, 275 min uşaq qida yoxluğundan və kəskin xəstəliklərdən əziyyət çəkəcək. Somali xalqı xaricdən gələn qida yardımına bağlı yaşayır.
UNICEF-in rəsmi nümayəndəsi Stiven Louverera sözlərinə görə Somalidə hər gün uşaq ölümlərinin qarşısını almaq üçün təcili tədbirlər görülməlidir:
"Ərazidəki quraqlıq, müxtəlif xəstəliklər və əhalinin yerdəyişməsi uşaqlar üçün ölümcül nəticələrə gətirib çıxaracaq. Onların həyatını xilas etmək üçün çox az zamanımız var. Zəruri tədbirlər mümkün qədər tez görülməlidir".
Könül Cəfərli
