Türkiyə qadın basketbolçular arasında Super Liqasının pley-off oyununda insident yaşanıb.
Fanat.Az xəbər verir ki, hadisə “Fənərbaxça” ilə “Yakın Doğu Üniversitesi” matçında baş verib.
“Fənərbaxça” prezidenti Əziz Yıldırım ona salam verən rəqib komandanın prezidenti İşık Eygüngörə şillə vurub.
Polislərin müdaxiləsindən sonra vəziyyət normallaşıb.
Matç başa çatdıqdan sonra Əziz Yıldırım mətbuata açıqlamasında İşık Eygüngörü əxlaqsızlıqda günahlandırıb. Onun sözlərinə görə “Yakın Doğu Üniversitesi”nin rəhbərliyi finaldan əvvəl “Fənərbaxça”lı oyunçulardan bəzilərinə transfer təklif edib.
Türkiyə Gənclik və İdman Nazirliyi olayla bağlı araşdırmaya başladığını açıqlayıb.
Fanat.Az
