Türkiyə Super Liqasında 30-cu turun oyunları keçirilib.
Publika.az xəbər verir ki, turun ilk oyununda “Antalyaspor” lider “Beşiktaş”ın ən yaxın izləyicisi, ötən turda “qartallar”ı məğlub edən “Başakşəhər”i qəbul edib. Oyunda minimal hesabla qalib gələn "narıncı-qaralar" lider "Beşiktaş"la xal fərqini minimuma endirib.
Millimizin hücumçusu Dəniz Yılmazın şərəfini qoruduğu
“Bursaspor” bu turda “Rizəspor”un qonağı olub. Millimizin üzvünün
iştirak ərizəsinə salınmadığı matç 6:0 hesabıyla meydan
sahiblərinin xeyrinə nəticələnib.
Turun mərkəzi oyununda, İstanbul derbisində əzəli rəqiblər -
“Beşiktaş” və “Fənərbaxça” münasibətlərinə aydınlıq gətiriblər.
"Qartallar" Vinsent Abubakarın qoluyla 1:0 önə keçsə də, bu
üstünlüyünü qoruyub saxlaya bilməyib. Maraqlıdı ki, "Fənər"
bərabərlik qolunu meydanda azlıqda, 9 nəfərlə qaldığı zaman vurub.
Marselo topu öz qapısına göndərib.
Super Liqanın bitiminə 2 tur qalmış "Beşiktaş"la "Başakşəhər"i cəmi 2 xal ayırır.
Türkiyə Super Liqası, 30-cu tur
5 may
Antalyaspor - Başakşəhər 0:1
Qol: Napoleoni, 89.
6 may
Gənclərbirliyi - Adanaspor 0:1
Qol: Maurisio Ramos, 20.
Trabzonspor - Kayserispor 2:3
Qol: Rodalleqa, 34. Uğur Demirok, 45+1-pen - Deniz Türüç, 6. Laval, 41; 74.
Qalatasaray - Kasımpaşa 1:3
Qol: Sneyder, 90 - Andre Kastro, 25; 81. Turqut Doğan Şahin, 63.
Qırmızı vərəqə: Tolqa Ciğerci, 59 (Qalatasaray).
Konyaspor - Alanyaspor 2:3
Qol: Bajiç, 9; 65 - Vaqner Lav, 39-pen; 55. Junior Fernandes, 72.
Qırmızı vərəqə: Barri Duqlas, 90+4 (Konyaspor).
7 may
Rizəspor - Bursaspor 6:0
Qol: Kveuke, 7; 36. Oğulcan Çağlayan, 45. Recep Niyaz, 45+2. Edomvonyi, 81. İqiebor, 90+1.
Beşiktaş - Fənərbaxça 1:1
Qol: Abubakar, 45 - Marselo, 90+5-avtoqol.
Qırmızı vərəqə: Şkrtel, 88. de Souza, 90+2 (hər ikisi "Fənərbaxça").
8 may
21:00 Akhisar - Qaziantepspor
21:00 Karabükspor - Osmanlıspor
