Bakı. 8 may. REPORT.AZ/ İŞİD terrorçuları İraqın Kərkük vilayətinin Havicə rayonunda 6 nəfəri edam edib.
"Report"un məlumatına görə, bu barədə "Anadolu" agentliyinə Havicə administrasiyasının rəhbəri Şehban əl-Cuburi məlumat verib.
O, bildirib ki, silahlılar 3 ildir İŞİD-in nəzarəti altında olan ətraf kəndlərdə terrorçuluq əməllərini davam etdirirlər. Adminstrasiya rəhbəri qeyd edib ki, İŞİD 6 gənci İraqın təhlükəsizlik qüvvələri ilə əlaqə saxladığına görə güllələyib.
Qeyd edək ki, İŞİD 2014-cü ilin 10 iyunundan Kərkükün Havicə rayonuna nəzarət edir.
