Rusiyanın məşhur idmançısı Alina Kabayeva müsahibə verib və demək olar ki, hər şeydən danışıb.
Fanat.Az İstipress-ə istinadən xəbər verir ki, o, gözəlliyinin sirlərini də açıb.
Kabayevanın pərəstişkarları gimnastın bədən tonusunu saxlamağı necə bacardığına təəccüblənirlər. Baxmayaraq ki, gimnast artıq professional karyerasını bitirib, onun bədən quruluşu hələ də cazibədardır.
Belə məlum olub ki, Kabayeva heç də pəhriz tərəfdarı deyil, o düşünür ki, gərgin iş günü orqanizmə faydalıdır: “Mənim məsləhətim odur ki, insanlar daha çox hərəkət etsinlər və həddən artıq yeməsinlər. Hər şey yemək olar, amma, qədərində”.
İdmançı onu nəyin xoşbəxt etməsindən də danışdı: “Mənim xüsusi reseptim yoxdu. Hər zaman taleyimə minnətdar olmuşam”. Kabayeva əlavə edib ki, o, işini çox sevir və öhdəsindən gələ bilməyəcəyi heç nəyə görə söz vermir.
Qeyd edək ki, Alina Kabayevanın Rusiyanın prezidenti Vladimir Putinlə sevgili oldubu, hətta onun övladını dünyaya gətirdiyi deyilir.
Fanat.Az
