Gəncə. 8 may. REPORT.AZ/ Gəncə şəhərində bıçaqlanma hadisəsi baş verib.
"Report"un Qərb bürosunun məlumatına görə, hadisə axşam saatlarında şəhərin Sevinc qəsəbəsində qeydə alınıb.
Gəncə şəhər sakini, 1991-ci il təvəllüdlü Məmmədov Nicat Mehman oğlu mübahisə zəmində bıçaqlanıb. Qarın nahiyəsindən 1 bıçaq yarası alan N.Məmmədov yaxınlarının köməkliyi ilə Gəncə şəhər Təcili Tibbi Yardım Xəstəxanasına aparılıb. Həkimlər tərəfindən əməliyyat olunan yaralının vəziyyəti orta-ağırdır.
Hadisənin kim tərəfindən törədildiyi və səbəbi hüquq-mühafizə orqanları tərəfindən araşdırılır.
