Gəncə şəhərində ər hamilə arvadının boğazını kəsib, özünü isə bıçaqlayıb.
Lent.az-ın Report-a istinadən məlumatına görə, hadisə şəhərin Kəpəz rayonunda yerləşən "Sərçə bazarı" adlanan ərazidə baş verib.
Hələlik adı məlum olmayan şəxs hamilə arvadının boğazı kəsdikdən sonra intihara cəhd edərək özünü bıçaqlayıb. Yaralı Gəncə şəhər Təcili Tibbi Yardım Xəstəxanasına aparılıb. Həkimlər tərəfindən əməliyyata alınan yaralının vəziyyətinin ağır olduğu bildirilir.
Hamilə qadın da əməliyyat edilib.
Faktla bağlı araşdırma aparılır.
