Bəhreyn IV İslam Həmrəyliyi Oyunlarında üç idman növündə təmsil olunacaq

Bəhreyn IV İslam Həmrəyliyi Oyunlarında üç idman növündə təmsil olunacaq
10:57 10 May 2017
60 Digər
Ölkə mətbuatı
A- A+

Bakı. 10 may. REPORT.AZ/ Bəhreyn Bakıda keçirilən IV İslam Həmrəyliyi Oyunlarında üç idman növündə təmsil olunacaq. “Report”un BNA-ya istinadən verdiyi məlumata görə, asiyalılar atletika, atıcılıq və güləş yarışlarında mübarizə aparacaqlar.
Bəhreyn Olimpiya Komitəsinin baş katibi Abdulrahman Askerin rəhbərlik edəcəyi nümayəndə heyətində 38 idmançı yer alıb. Onların içində rusiyalı Adam Batırov da var. 70 kq çəki dərəcəsində çıxış edən 32 yaşlı sərbəst güləşçi iki dəfə Avropa çempionatının gümüş medalçısı olmaqla bərabər, 2016-cı il Asiya çempionatının qalibidir.
Qeyd edək ki, Bəhreyn nümayəndə heyətində yer alan rəsmi şəxslər mayın 9-da Bakıya yola düşüblər. İdmançılar isə yarışlar başlayan ərəfədə gələcəklər.

Xəbərin orijinal ünvanı: https://report.az/i̇slamiada-2017/behreyn-iv-i-slam-hemreyliyi-oyunlarinda-uc-idman-novunde-temsil-olunacaq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR