Çempionlar Liqasının yarımfinal mərhələsi çərçivəsində "Monako" ilə cavab görüşü "Yuventus"un qapıçısı Canluici Buffon üçün əlamətdar olub.
Milli.Az apasport.az-a istinadən xəbər verir ki, təcrübəli əlcək sahibi avrokuboklarda yubiley - 150-ci oyununu keçirib.
İtaliyalı qolkiper ikinci "yüzlüy"ü yarılayan 10-cu futbolçu kimi tarixə düşüb. Buffon ingiltərəli Ceymi Karragerlə 9-10-cu yerləri bölüşür.
Onlardan öndəki 8 pillədə isə İker Kasilyas (175), Paolo Maldini (174), Xavi (173), Klarens Zeedorf (163), Raul (161), Xavyer Zanetti (160), Rayan Qiqqz (159), Pepe Reyna (155) qərarlaşıb.
Azərbaycan futbolçuları arasında mütləq rekord Rəşad Sadıqova məxsusdu. Azərbaycan millisinin kapitanı avrokuboklarda 82 matça çıxıb. O, "Neftçi", "Qarabağ" və "Kayserispor"da qitə miqyaslı turnirlərdə iştirak edib. Müdafiəçi Çempionlar Liqasında 18, Avropa Liqasında 54, İntertoto kubokunda 10 görüşdə meydana çıxıb. Rekordçumuzun hesabında 7 qol var.
Milli.Az
Digər maraqlı xəbərlər Milli.Az-ın Facebook səhifəsində
