Bakı. Trend:
Türkiyənin xarici işlər naziri Mövlud Çavuşoğlu ABŞ-ın YPG-yə (kürd özünümüdafiə dəstələri) silah yardımına sərt reaksiya verib.
Trend-in məlumatına görə, nazir YPG-yə verilən hər bir silahın Türkiyəyə yönələn təhdid olduğunu bildirib:
"Suriyanın ərazi bütövlüyünü dəstəkləyiriksə, yanlış addımlar atmamalıyıq. YPG və PKK ikisi də terror təşkilatıdır. Aralarında heç bir fərq yoxdur, sadəcə adları fərqlidir. Bunların əlinə keçən hər bir silah Türkiyəyə yönələn təhdiddir. Bizim bu məsələ ilə bağlı mövqeyimizi ABŞ rəhbərliyi də çox yaxşı bilir".
M.Çavuşoğlu əlavə edib ki, bu məsələ Vaşinqtonda prezidentlər Rəcəb Tayyib Ərdoğan və Donald Trampın görüşündə də müzakirə olunacaq.
